Skilmálar

Leigu og söluskilmálar

1.0 Gildissvið og skilgreiningar:

Skilmálar þessir gilda um leigu og sölu búnaðar frá Exton ehf., kt. 470499-2069, Fiskislóð 10 í Reykjavík. Búnaður í þessum skilmálum er hverskonar tæki eða tól sem Exton ehf leigir eða selur á hverjum tíma. Mál sem kunna að rísa vegna skilmála þessara má höfða fyrir Héraðsdómi Reykjavíkur eða Reykjaness.

2.0 Söluskilmálar:

2.1 Exton ehf veitir frá dagsetningu þessa reiknings skráðum kaupanda eins árs ábyrgð á öllum verksmiðju- eða efnisgöllum á tækjum þeim sem tilgreind eru á honum og framkvæmir í því sambandi allar nauðsynlegar viðgerðir kaupanda að kostnaðarlausu. Ábyrgðin nær eingöngu til þeirra tækja sem talin eru upp á reikningnum en ekki til neins konar afleidds tjóns, hvort sem er tapaðra gagna, tíma eða hugsanlegs hagnaðar.

2.2 Ábyrgðarviðgerðir eru framkvæmdar í aðstöðu Exton ehf að Fiskislóð 10, 101 Reykjavík. Sé þess óskað að viðgerð fari fram á notkunarstað þá skal greitt fyrir ferðatíma og akstur. Verði nauðsynlegt að senda tækið til viðgerðar skal því pakkað samkvæmt leiðbeiningum framleiðanda.

2.3 Ábyrgð skv. 2.1 fellur niður ef: (1) aðrir en starfsmenn Exton ehf hafa gert við það eða hafa gert tilraun til að gera við það, (2) verksmiðjunúmer hefur verið fjarlægt, (3) tækið hefur verið tengt við ranga spennu eða straumtegund, (4) ef um eðlilegt slit er að ræða, (5) ef seld eru notuð tæki, (6) við uppsetningu eða notkun er ekki fylgt leiðbeiningum framleiðanda, (7) tækið verður fyrir hnjaski, rangri meðferð, náttúruhamförum, eða truflunum frá raforkukerfi, (8) ef breytingar hafa verið gerðar á tækinu.

2.4 Seljandi á söluveð í öllum hinum seldu munum til tryggingar á samanlögðu kaupverði skv. framhlið reiknings þessa, vöxtum og kostnaði skv. 35.gr l. nr. 75/1997 um samningsveð. Standi kaupandi ekki í skilum með framangreint kaupverð er seljanda heimilt, hvort heldur hann vill láta selja hið veðsetta nauðungarsölu til fullnustu kröfu sinni eða rifta söluveðsetningunni og krefjast afhendingar hins veðsetta. Áframsala á hinu keypta er seljanda óheimil þar til kaupverð er að fullu greitt nema með skriflegu samþykki seljanda

3.0 Leiguskilmálar:

3.1 Nema annað sé sérstaklega tekið fram skal stysti leigutími vera einn dagur og miðast upphaf leigu við dagsetningu afhendingar í leigusamningi. Síðasti dagur leigu telst sá dagur sem getið er sem skiladags í leigusamningi. Sé búnaði ekki skilað innan hins umsamda tíma skal leigutaki greiða fulla dagleigu fyrir hvern byrjaðan dag, auk alls kostnaðar sem Exton ehf kann að verða fyrir vegna þess að búnaðurinn stendur ekki öðrum viðskiptavinum til reiðu á réttum tíma.

3.2 Leigutaki skal vera lögráða einstaklingur eða eftir atvikum félag eða stofnun. Sá sem skuldbindur félag eða stofnun ábyrgist að hafa til þess fullt umboð og skal jafnan sýna fram á umboð sitt að kröfu Exton ehf, jafnframt því sem hann tekur persónulega ábyrgð á leigusamningi. Komi upp rökstuddur vafi að mati leigusala (Exton ehf), um umboð þess er skuldbindur félag eða stofnun, er honum heimilt að taka hinn leigða búnað í sína vörslu á ný fyrirvaralaust og án allrar bótaskyldu hvenær sem er á leigutímanum.

3.3 Ábyrgð leigutaka:

3.3.1 Ábyrgð leigutaka á hinum leigða búnaði hefst við móttöku hans og lýkur þegar búnaði hefur sannanlega verið skilað í hús til Exton ehf. Búnaður í flutningi er á ábyrgð leigutaka.

3.3.2 Leigutaki má ekki selja, leigja, veðsetja eða með nokkrum öðrum hætti afsala sér umráðum hins leigða búnaðar.

3.3.3 Leigutaki ábyrgist skaðleysi Exton ehf af hverskonar kröfum sem fyrirtækið kann að verða fyrir af hálfu þriðja aðila í tengslum við eða vegna leigu á búnaði til leigutaka. Ef hinn leigði búnaður tengist með einhverjum hætti slysi sem veldur tjóni á búnaðinum eða öðrum eignum eða líkamstjóni skal leigutaki tilkynna Exton ehf það án tafar sem og viðeigandi yfirvöldum.

3.3.4 Leigutaki ábyrgist sérstaklega að hann muni ekki nýta búnað frá Exton ehf til lögbrota af neinu tagi, þ.m.t. brot á löggjöf um höfunda- og hugverkarétt. Leigutaki ábyrgist jafnframt greiðslur hverskonar leyfisgjalda og höfundarréttargjalda sem af notkun búnaðarins kann að leiða.

3.3.5 Leigutaka er óheimilt að nota hinn leigða búnað á öðrum stöðum en þeim sem Exton ehf hefur samþykkt. Ef nota á búnað utandyra skal leigutaki útvega veðurvarnir á sinn kostnað, t.d. vatns- og vindhelt tjald yfir búnað.

3.3.6 Leigutaki ábyrgist að þeir sem komi til með að vinna með eða við hinn leigða búnað skuli hafa fengið til þess hæfilegar leiðbeiningar og að jafnan sé nauðsynleg sérþekking til staðar til uppsetningar og notkunar hins leigða búnaðar.

3.3.7 Leigutaki ábyrgist að notaður sé réttur rafstraumur, rafspenna og jarðtenging í tengslum við búnað Exton ehf. Ef leigutaki hyggst nota hinn leigða búnað í tengslum við önnur tól eða tæki skal hann ábyrgjast að um samhæfðan búnað sé að ræða, sem ætlaður er til notkunar með búnaði Exton ehf.

3.4 Viðhald búnaðar og tilkynningaskylda:

3.4.1 Leigutaki ábyrgist að gengið sé vel um hinn leigða búnað og honum haldið hreinum meðan á leigutíma stendur. Leigutaki ábyrgist að ávallt séu notaðar við flutning og geymslu á hinum leigða búnaði nauðsynlegar hlífar og umbúðir. Leigutaki skal greiða allan þann kostnað sem Exton ehf kann að verða fyrir vegna slæms frágangs á búnaði eða bilana sem leiða af slæmri umgengni við leigðan búnað, þ.m.t. fullt leigugjald á meðan á frágangi eða viðgerðum stendur sem og bætur vegna afleidds tjóns, þar sem tækin standa ekki öðrum leigutökum til reiðu.

3.4.2 Hverskonar bilanir á búnaðinum skal leigutaki tilkynna Exton ehf án tafar. Leigutaki má ekki undir neinum kringumstæðum reyna að gera við bilanir á hinum leigða búnaði án þess að hafa fengiðtil þess sérstakt leyfi Exton ehf.

3.4.3 Kostnaður vegna vinnu og varahluta við framkvæmd eðlilegs viðhalds fellur í öllum tilvikum á Exton ehf, sbr. þó það sem segir um kostnað við útkall viðgerðarmanns í lið 4.4, annar viðgerðarkostnaður, þ.m.t. vegna brota á skilmálum þessum eða leigusamningi, fellur í öllum tilvikum á leigutaka.

3.4.4 Ef leigður búnaður týnist eða skemmist að því marki að ekki svari kostnaði að mati Exton ehf. að gera við hann, ábyrgist leigutaki að greiða Exton ehf fullt endurstofnverð hlutarins án tillits til aldurs eða slits á honum. Þar til nýr búnaður hefur verið útvegaður í stað þess týnda eða eyðilagða skal leigutaki borga fulla leigu, auk alls afleidds tjóns sem Exton ehf, kann að verða fyrir vegna eyðileggingar/hvarfs hins leigða búnaðar.

3.4.5 Leigutaki skal tryggja hinn leigða búnað til samræmis við ofangreinda ábyrgð nema annað sé tekið fram.

3.4.6 Ef fullnaðaruppgjör til Exton ehf vegna tjóns á leigðum búnaði hefur ekki farið fram skal öllum hugsanlegum greiðslum, sem leigutaki kann að móttaka frá tryggingafélagi eða öðrum þriðja aðila, til fullnustu á skaðabótakröfu vegna tjóns á hinum leigðu tækjum, haldið sérgreindum og greiðast til Exton ehf samkvæmt ofangreindri ábyrgð. Ef fullnaðaruppgjör til Exton ehf vegna tjóns á leigðum búnaði hefur ekki farið fram er leigutaka jafnframt óheimilt að semja um bótafjárhæðir án samþykkis Exton ehf.

3.5 Leigusamningur felldur niður:

3.5.1 Exton ehf er heimilt að fella niður leigusamning einhliða og án nokkurs fyrirvara eða bótaskyldu og taka í sína vörslu hinn leigða búnað hvenær sem er á leigutímanum í eftirfarandi tilvikum:

a) þegar leigutaki hefur brotið gegn ákvæðum þessara skilmála eða leigusamnings, eða
b) Exton ehf hefur rökstudda ástæðu til að ætla að leigutaki muni brjóta gegn ákvæðum skilmála þessara eða leigusamnings. Í báðum tilvikum heldur Exton ehf rétti sínum til þess að gjaldfella ógreiddar skuldir leigutaka samkvæmt skilmálum þessum eða leigusamningi og nota hverskonar tryggingar sem leigutaki
hefur lagt fram.

4.0 Almenn ákvæði

4.1. Sé annað ekki sérstaklega tekið fram er gjalddagi leigu- eða sölugjalds við afhendingu hins leigða og/eða selda, og getur Exton ehf krafist greiðslu auk áfallinna dráttarvaxta hvenær sem er eftir þann tíma, sbr. lög um vexti og verðtryggingu nr. 38/2001.
4.2  Ef ekki hefur verið samið öðruvísi skal Exton ehf vera heimilt að nýta þegar á gjalddaga allar hugsanlegar tryggingar, sem leigutaki hefur lagt fram, ef greiðsla hefur ekki verið innt af hendi.

4.3 Exton ehf annast viðgerðar- og viðhaldsþjónustu á venjulegum opnunartímum fyrirtækisins, auk þess getur leigutaki hringt í þjónustusíma Exton ehf utan opnunartíma. Á venjulegum opnunartímum Exton ehf getur leigutaki kallað eftir viðgerðarmanni frá Exton ehf á staðinn, sér að kostnaðarlausu ef hinn leigði búnaður er á höfuðborgarsvæðinu. Utan venjulegs opnunartíma Exton ehf greiðir leigutaki kostnað viðútkall viðgerðarmanns. Ef hinn leigði búnaður er utan höfuðborgarsvæðisins greiðir leigutaki í öllum tilvikum ferða- og flutningskostnað vegna útkalls viðgerðarmanns.

4.4. Óviðráðanlegar ytri aðstæður

Ef óviðráðanlegar ytri aðstæður valda því að Exton ehf verður ómögulegt að uppfylla skyldur sínar skv. leigusamningi, skal litið svo á að þær séu niður fallnar þar til mögulegt verður að efna þær.