Björk í Langholtskirkju

28.8.2008

Lokatónleikar Bjarkar á Volta-ferðalagi hennar voru haldnir í Langholtskirkju 26. ágúst. Tónleikarnir voru að mestu órafmagnaðir en fytjendur ásamt Björk voru hljómsveitin Wonderbrass, Jónas Sen, Mark Bell og Schola Cantorum kórinn.

Tónleikarnir tókust afar vel í alla staði fyrir troðfullu Guðshúsi. Björk fór á kostum og flutti alls 12 lög. Óhætt er að segja að stemmningin hafi náð hámarki í uppklappslaginu It's Oh So Quiet sem Björk sagðist ekki hafa fllutt í ein sex til átta ár.

Wonderbrass stelpurnar voru gífurlega þéttar og hafa vaxið mikið frá því á fyrstu Volta tónleikunum í Höllinni í apríl í fyrra. Jónas Sen lék á harpsicord, flygil og hið magnaða orgel Langholtskirkju. Schola Cantorum kórinn tók svo þátt í einum fimm lögum, þeim sömu og kórinn söng í á Medúllu skífu Bjarkar. Það kom svo í hlut Mark Bell að krydda tvö lög með skemmtilega lífrænum tölvutakti.

Exton kom fyrir litlu Meyer Sound söngkerfi fyrir Björk.

Hljóðmaður var Ívar Bongó.

Amen.