, ,

iOS 13 og Pro Tools | Control
ekki samhæft fyrst um sinn

Við prófanir hafa komið upp vandamál varðandi Pro Tools | Control á iPad með iOS 13, sem Avid telur að ekki náist að leysa fyrir 19. september þegar iOS 13 kemur út.

Avid ráðleggur því notendum Pro Tools | Control að uppfæra ekki iPad stýrikerfi í iOS13 fyrr en lausn er fundin.

Smelltu hér til að fá nýjustu upplýsingar um stöðuna!

PS: Fyrir notendur appa á borð við Pro Tools | Control er betra að slökkva á sjálfvirkri uppfærslu fyrir bæði iOS og öpp.

,

Til hamingju ÍA
með nýja Unilumin LED skjáinn

Exton óskar Skagamönnum til hamingju með nýja 144,5“ Unilumin LED skjáinn á Jaðarsvelli sem vígður verður á leik ÍA og Aftureldingar í Inkasso-deild kvenna á föstudaginn.

Með Unilumin 6,67 mm pixel skjá og stýringu frá Scoreboard System má jafnframt nýta stigatöfluna til að birta myndir af leikmönnum, sýna hver skoraði og innáskiptingar, spila auglýsingar og minna á næsta leik eða æfingar.

 

 

Risa LED skjár með hárri upplausn eykur VÁ-áhrifin og gerir upplifun áhorfenda af leiknum enn skemmtilegri.

 

, ,

Claypaky hélt Rammstein vel upplýstum
á „2019 European Stadium Tour“

Þegar stórveldi á borð við Rammstein leggur land undir fót duga engin vettlingatök. Ronald Greil og Patrick Woodroffe frá Woodroffe Bassett Design lögðu upp með vel yfir 1000 Claypaky kastara, m.a. HY B-EYE K25, Scenius Unico, Mythos 2 og Sharpy, sem ásamt hefðbundnum eldsprengjum prýddu stórkostlega sviðsmynd þar sem áhrifum frá Metropolis og gufupönki var snilldarlega blandað saman við hið hefðbundna hráa iðnaðarútlit sem hljóðmsveitin er hvað þekktust fyrir.

Ef þú misstir af þessu stórkostlega augnakonfekti í sumar þá er enn von – með vorinu mun Rammstein halda áfram með Evróputúrinn þar sem frá var horfið og spila víðar af sínum alkunna krafti.

 

,

Rokkað feitt á Hróarskeldu
með Meyer Sound

Fyrir ári hófst 5 ára samstarf Meyer Sound tónlistarhátíðarinnar í Hróarskeldu, stærstu og elstu tónlistarhátíðar í Norður-Evrópu. Meyer Sound sér um öll hljóðkerfi á hátíðinni, sem teygir sig yfir 8 svið og 2,5 ferkílómetra. Ríflega 1000 hátalara úr LEO vörulínunni þurfti til að dekka allt svæðið og um leið nauðsynlegt að huga vel að hljóðsmiti milli sviðanna. Hluti af samvinnunni felst því í þróun og frekari útfærslu á framkvæmd hátíðar af þessari stærðargráðu, vinna sem báðir aðilar koma að allan ársins hring á samningstímanum, með það sameiginlega markmið í huga að auðga upplifun hátíðargesta.

 

Kíktu á myndbandið: https://meyersound.com/video/roskilde-2019-wrap/

,

Claypaky
lýsir upp himininn
yfir Singapore

Ljósabúnaður frá Clapypaky spilaði stóra rullu á 54. þjóðhátíðardegi Singapore.
Hátíðarhöldin í ár voru óvenju viðamikil þar sem 200 ár eru frá því að Sir Stamford Raffles tók þar land.

Dagurinn markar því upphaf þeirrar uppbyggingar sem umbreytti Singapore
í þá stórbrotnu borg viðskipta sem við þekkjum í dag.

 

    

    

 

Ríflega 1000 ljóskastarar komu við sögu, þar af 602 frá Claypaky
sem áttu stóran þátt í að lýsa upp himininn yfir borginni.

, ,

Fiskidagurinn mikli
er stór dagur hjá genginu okkar

Fiskidagurinn mikli er eitt af viðameiri verkefnum hjá okkur í Exton.

Fyrsta vetrardag mun N4 sýna upptökur frá tónleikunum – af því tilefni birti sjónvarpsstöðin nokkur létt og skemmtileg viðtöl við strákana í teyminu sem tekin voru á meðan á uppsetningu stóð í norðlenskum sumaryl og sælu.

 

Exton á Fiskideginum Mikla

Exton á Fiskideginum MiklaFyrsta vetrardag verða Stórtónleikarnir á Fiskideginum Mikla 2019 sýndir á N4! Að baki slíkum tónleikum liggja mörg handtök sem við sem áhorfendur áttum okkur oft á tíðum ekki á. Við heyrðum hljóðið í Exton þegar að þeir voru í óða önn að setja upp sviðið, tengja hljóð, ljós og annan búnað sem þarf að vera í lagi svo að sýningin geti gengið smurt fyrir sig.Fiskidagurinn mikli

Posted by N4 Sjónvarp on Mánudagur, 2. september 2019

, ,

6066 Headset frá DPA Microphones
hlýtur Red Dot 2019 verðlaunin
fyrir vöruhönnun

Hin virtu hönnunarverðlaun Red Dot Awards 2019 voru kynnt 8. júlí í Aalto leikhúsinu í Essen, Þýskalandi. Meðal vinningshafa í flokknum Vöruhönnun var DPA Microphones fyrir byltingarkennda hönnun á 6066 Subminiature Headset Microphone.

6066 Subminiature Headset Microphone er einungis 3mm að ummáli þessi fallega og látlausa hönnun tryggir að hljóðneminn fái skilað sínu við margvíslegar aðstæður. Vissulega má segja að í smæð sinni sé tæknileg virkni hljóðnemans listaverk í sjálfu sér og samhliða látlausu ytra byrði tryggir það kristaltæran hljóm án þess að grípa athygli að óþörfu. Hvort heldur um ræði leikara á sviði eða fréttamann í sjónvarpi er tryggt að athygli áhorfenda beinist að því sem máli skiptir fremur en þeirri tækni sem notuð er.

Sjá nánar hér

Við hjá Exton ehf erum stolt af því geta boðið viðskiptavinum okkar upp á það besta.

, ,

10% afsláttur til 7. júní
iZotope Spire Studio &
iZotope Spire Studio Road Warrior Bundle

Ef pantað er fyrir 7. júní býðst 10% afsláttur af

iZotope Spire Studio – 53.900 m/vsk

eða

iZotope Spire Studio Road Warrior Bundle – 72.900 m/vsk

með Audio-Technica ATH-M30x heyrnartólum, Spire Studio Travel Bag og 3m XLR og Jack köplum

 

Spire Studio er lófastórt upptökutæki: Innbyggður hljóðnemi, tvö XLR/TS tengi með Grace Design formögnurum og margverðlaunaðri hljóðvinnslutækni frá iZOTOPE.

Hafður Spire Studio með í för og taktu upp hvar og hvenær sem er: Með innbyggðri rafhlöðu, einföldum stjórnborði og tengingu við síma eða spjaldtölvu (iOS og Android) geturðu tekið upp við ótrúlegustu aðstæður, hljóðblandað og sent útkomuna til samstarfsmanna eða beint á SoundCloud.

Spire Studio er nauðaeinfalt í notkun: Þú kveikir á tækinu, stillir upptökustyrk fyrir hvora rás með einum hnappi, setur upptöku í gang með öðrum og notar snjallforritið til að velja upptökuhluta, bæta við effektum og hljóðblanda.

Pro Tools 2019.5 er komið í hús

Pro Tools 2019.5 er loksins komið út – með stuðningi við OS X Mojave v10.14.4 og Windows 10 v1809. Ýmsar nýjungar bætast við og annað hefur verið fært til betri vegar.

Pro Tools Expert er með umfjöllun um Pro Tools 2019.5

Samhliða kemur út EuControl 2019.5 með Monitor Control og fleiri nýjungun.

Exton er umboðsaðili Avid á Íslandi – hafðu samband ef þú þarft að endurnýja support samninginn eða vantar nýtt Pro Tools leyfi.

 

,

Rafíþróttir í beinni – með Tricaster TC1

Þú geturðu fylgst með Lenovo deildinni í beinni útsendingu!

Tricaster TC1 er öflug stjórnstöð fyrir sjónvaprsútsendingar í einu boxi.

Tricaster TC1 frá NewTek

Lenovo deildin er samstarfsverkefni Rafíþróttasamtaka Íslands og Lenovo á Íslandi. Keppnin fer fram á tímabilinu 24. apríl til 23.júní og verður í beinni útsendingu. Nánari umfjöllum um útsendinguna má finn á fréttavef mbl.is.

Skjáskot ehf sér um útsendinguna og notar Tricaster TC1 frá NewTek til verksins. Fyrirtækið eru ungt að árum, en byggir þó á áralangri reynslu stofnenda þegar kemur að beinum útsendingum og framleiðslu á lifandi myndefni. Á heimasíðu fyrirtækisins má finna nokkur af þeim margvíslegu verkefnum sem Skjáskot hefur komið að.

Exton ehf er umboðsaðili NewTek á Íslandi.

 

Posted by Rafíþróttasamtök Íslands on Mánudagur, 25. mars 2019